خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

«یابانچی» رومانینی بو آدرسلردن آلا بیلرسینیز

یازار yazar :حسین واحدى
تاریخ:پنجشنبه 2 اردیبهشت 1395-08:43

سالاملار عزیز و حؤرمتلی یولداشلار. اومید ائدیرم بو رومان تورکجه‌میزه اوغورلو اولسون. رومانی بو آدرسلردن آلا بیلرسینیز:



اورمیه، میدان شهدا (بالوو دروازاسی)، خ حافظ ۲، مجتمع تجاری آذربایجان، انتشارات بوتا
تئلفون: ۰۴۴ – ۳۲۲۲۱۷۷۶
ایمیل: butanashr@gmail.com

ساتیش یئرلری:

اورمیه: خ ارشاد، داخل کتابخانه مرکزی اورمیه، نمایشگاه دایمی کتاب حمید واحدی

اورمیه: خ استادان، نبش کوی ۱۷ – شهر کتاب ۳۳۴۷۵۷۵۷ -۰۴۴

اورمیه: چهارراه مدنی (سیروس) – اول مدنی ۲ – کتابفروشی حامد ۳۲۲۳۴۷۹۴ – ۰۴۴

اورمیه: خ مافی-ساحلی، خ پرواز، بعد از خ نیانیش، کتابفروشی مهدی

زنجان: کتابفروشی هیدجی:  چهارراه انقلاب، باشگاه کوچه‌سی،  پاساژ کسری، طبقه اول، پلاک۴۳

تبریز: کتابفروشی انور؛  فلکه دانشگاه تبریز – برج بلور – همکف حیاط ۰۴۱۳۳۲۵۱۸۴۱

تبریز: قراملک، خ نهضت (روبروی میوه فروشی سر افراز)، کتابفروشی نسوان، علی طالعی


# بو تئزلییه تهرانین کیتاب سرگیسینده

# آیری شهرلردن تاپشیریق وئرمک اوچون:


ده‌رین حؤرمتله - حسین واحدی


dilman.net

یازی تورو : چئویرمه 

یابانچی رومانی اوچون، اورمیه‌‌ده مراسیم کئچیریلدی

یازار yazar :حسین واحدى
تاریخ:یکشنبه 15 فروردین 1395-11:16

 

یابانچی رومانی اوچون، اورمیه‌‌ده مراسیم کئچیریلدی

یابانچی رومانی اوچون، اورمیه‌‌ده مراسیم کئچیریلدی

بو مراسیم، تحکیه درنه‌یینین عضولری و بیر نئچه اورمولو یازیچی و ژورنالیستین حضورو ایله کئچیریلدی. مراسیمده تحکیه‌نین مدیری اولان محمد صبحدل جنابلاری یابانچی رومانی حاققیندا و مترجم حاققیندا قیسا بیر چیخیش ائله‌دی.

مراسیمین داوامیندا یابانچی‌نین ترجمه ائدنی، حسین واحدی جنابلاری دا، کیتاب حاققیندا اؤز فیکیرلرینی و نظرلرینی پایلاشدی. بو مراسیم، ایکی حیکایه‌نین اوخونوب نظر پایلاشماسیندان سونرا سونا چاتدی.


آردینی اوخو

یازی تورو : حیكایه 

«یابانچی»، حسین واحدی‌نین ترجمه‌سیله کیتاب بازاریندا

یازار yazar :حسین واحدى
تاریخ:پنجشنبه 20 اسفند 1394-06:29

آلبر کامونون «یابانچی» رومانی، حسین واحدی‌نین ترجمه‌سیله کیتاب بازاریندا

دیلمان – آلدیغیمیز بیلگیلره گؤره، آدلیم یازیچی آلبر کامونون، تأثیرلی و تانینمیش اثرلریندن اولان «The Stranger» رومانی، اورمیه‌لی گنج یازیچی حسین واحدی طرفیندن «یابانچی» آدی ایله تورکجه‌یه چئوریلیب، کیتاب بازاریندا یاییلدی.

Yabanchi - Alber Kamu - cheviren - Huseyn Vahedi 2016 - Urmiya - Turkce

بو کیتاب، اورمیه‌ده، «بوتا» یایین ائوی طرفیندن چاپ اولوبدور. کیتابی الده ائتمک اوچون، اوخوجولار، بوتا نشریاتی ایله ارتباط قورا بیلرلر.
آدرس: اورمیه، میدان شهدا (بالوو دروازاسی)، خ حافظ ۲، مجتمع تجاری آذربایجان، انتشارات بوتا
تئلفون: ۰۴۴ – ۳۲۲۲۱۷۷۶
ایمیل: butanashr@gmail.com

ساتیش یئرلری:


اورمیه: خ ارشاد، کتابخانه مرکزی اورمیه، نمایشگاه دایمی کتاب حمید واحدی
اورمیه: خ استادان، نبش کوی 17 - شهر کتاب 33475757 - 044
اورمیه: چهارراه مدنی (سیروس) - اول مدنی 2 - کتابفروشی حامد 32234794 - 044

زنجان: کتابفروشی هیدجی، چهارراه انقلاب، باشگاه کوچه‌سی،  پاساژ کسری، طبقه اول، پلاک 43

تبریز:
تهران:
اردبیل:


ایمیل یولو ایله ده تاپشیریق وئره بیلرسینیز:  huseynvahedi@gmail.com

قایناق: dilman.net




یازی تورو : چئویرمه 

ماهنی درگی‌سینین ایلک سایی‌سی یاییلدی

یازار yazar :حسین واحدى
تاریخ:دوشنبه 17 اسفند 1394-03:58

ماهنی درگی‌سینین ایلک سایی‌سی یاییلدی

تورکجه-فارسجا اولان «ماهنی» درگیسینین ایلک سایی‌سی یاییلدی.
بو درگی، غربی آذربایجان، شرقی آذربایجان، زنجان و اردبیل اوستانلاریندا یاییلاجاقدیر. درگی‌نین ایلک سایی‌سینین اصلی موضوعسو «آذربایجانین طنز ادبیاتی»نا مخصوصدور. بونون یانیندا مختلف ادبی، اجتماعی و کولتورل یازیلار تورکجه و فارسجا دیللرینده یئرله‌شیبدیر.
نشریه‌نین مسئول مدیری، اورمیه‌لی ژورنالیست خانیم «ندا عبدی»-دیر و جناب «بهرنگ منتخبی» ایسه مدیرین معاونی و اجرایی مدیر عنوانیندا فعالیت ائدیر. فارسجا بؤلومونون باش یازاری جناب «حامد عطایی» و تورکجه بؤلومونون باش یازاری ایسه جناب «حسین واحدی»-دیرلر. بونلارین یانیندا اورمیه‌نین و آیری شهرلردن اولان ده‌یرلی یازیچی‌لار و آراشدیرماچیلار او جمله‌دن «احمد اسدی»، «مهران محمودی»، «آیدین بابائی»، «داوود حیدرخانی»، «علیرضا میرزائی»، «طاهره نوید آرین» و… فعالیت ائدیرلر.

mahni 1

درگی‌نین ایلک سایی‌سیندا طنز ادبیاتیمیزا دایر پرونده‌نین یانیندا بو یازیلاری دا اوخویا بیلرسینیز:
-‌ مصاحبه با اسماعیل حیدری
– طنازی در اوج بلا و مصیبت
– برای هر کسی یک روز عاشوراست
– مصاحبه با استاد کریمی مراغه‌ای
– خنده‌ای به قیمت از دست دادن یک فرهنگ
-‌ ائل سئودی، کیم ائلین عشقینه یازدی (به یاد عمران صلاحی)
-‌ هابیل علی‌یئو
– ظرافت سؤزلری شیرین اولوبدور
– حیکایه‌لر
– آذربایجان ادبیاتیندا طنز
و …
ماهنی درگی‌سی ۵۰۰۰ مین تومن قیمت ایله ساتیلاجاق و اومید ائدیریک ده‌یرلی خالقیمیز اؤز حمایه‌لری ایله نشریه‌نین داواملی اولماسینا کؤمک اولالار.
ماهنی درگی‌سینه یازی گؤندرمک یا دا ایلگی قورماق اوچون بو ایمیل‌ ایله ارتباط قورا بیلرسینیز: mahni.azar@gmail.com

قایناقلار:

ishiq.net

bilimsesi.com

mahni 1

/خبرین سونو/



یازی تورو : كولتور 

بیاض گئجه‌لر/یاخیندا...

یازار yazar :حسین واحدى
تاریخ:پنجشنبه 15 بهمن 1394-04:43

::: «بیاض گئجه لر» رومانیندان قیسا بیر که‌سیت ... 
... یوخودان اویاناندا منه ائله گلدی کی، چوخدان تانیش اولدوغوم، هارادا ایسه دینله‌دیییم، لاکن اونوتدوغوم گؤزل بیر موسیقینی یئنی‌دن خیالیمدا ائشیدیرم. منه ائله گلدی کی، بو موسیقی بوتون عؤمروم بویو اوره‌ییمده اسیر اولوب قالمیش، آزادلیغا چیخماغا یول آختارمیش و یالنیز ایندی... 🌺🌺

بیاض گئجه‌لر
فیودور داستایفسکی
روسجادان چئویرن: یوسف عظیم‌زاده
حاضیرلایان: حسین واحدی


آردینی اوخو

یازی تورو : حیكایه 

عسگرین فیکیرلری (حیکایه)

یازار yazar :حسین واحدى
تاریخ:جمعه 25 دی 1394-07:34

عسگرین فیکیرلری

یازار: آلئکساندر قرین

حاضیرلایان: حسین واحدی


بوتون گئجه‌نی گؤزومو یوممامیشدیم.

سؤزون دوزو، قورخموردوم، آنجاق ایندییه‌دک سنگرده دالدالانیب اوزونو گؤرمه‌دیییم دوشمن‌له آتیشماقدان بوس‌بوتون فرقلی اولان، اونونلا بیرباشا اوز-اوزه گله‌جه‌ییمی دوشوننده بَرک هیجانلانیردیم.

ایندی‌دن او آنلاردا هانسی دویغولاری کئچیره‌جه‌ییمی بیلمَک ایسته‌ییردیم...

بودور، تنگ‌نفس، توفنگیمین اوجونا برکیتدیییم سونگونو [سرنیزه‌نی] ایره‌لی یؤنه‌لدیب، منیمکی کیمی ایتی سونگوسونو اوستومه توشلایا‌راق قاچیب گلن دوشمنه ساری جومورام... بیز قارشیلاشیب توققوشوروق...

آنجاق منیم یازیق تخیّلومو بوندان او یانا گئده بیلمیر، اوره‌ییم ایسه آنلاشیلمازلیق ایچینده قالیب سیخیلیردی.

هاوا ایشیق‌لاناندا های-کویلو دؤیوش حاضرلیغی باشا چاتدی و بیز بوینوزلاشاجاغیمیز آنین گلیب چیخاجاغینی گؤزلمه‌یه باشلادیق.

اؤنجه سیرا‌لاریمیزی دوزلدیب، سنگرده دالدا‌لانا‌راق دوشمنله آتیشدیق، داها سونرا بیزیم توپلار دوشمنی مرمی یاغیشینا توتاندان سونرا، دوشمن سنگرلرینه سونگو ایله هجوم ائله‌مک امری وئریلدی.


آردینی اوخو

یازی تورو : حیكایه 

چوخ یاخیندا یاییلاجاق: یابانچی

یازار yazar :حسین واحدى
تاریخ:جمعه 4 دی 1394-07:43

یاخیندا یاییلاجاق؛


آلبئرت کامونون "یابانچی" آدیندا رومانی، تورکجه ترجمه‌سی‌له یاخیندا یاییلاجاق
تورکجه‌یه چئویرن: حسین واحدی
یایین‌ائوی: بوتا - اورمیه

Yaxında yayılacaq
Yabançı
Albert Kamyu
Türkcəyə çevirən: Hüseyn Vahidi


یازی تورو :  

آنتون چئخوو ایله یادیگارلیق شکیل

یازار yazar :حسین واحدى
تاریخ:جمعه 4 دی 1394-07:42


آنتون چئخوو ایله یادیگارلیق شکیل

یازان: حسین واحدی

vahedi


بیلگی‌سایار ایکی دفعه دینق-‌دینق ائتمکله، بیلدیم یئنه ده بیر ساعات قورتولدو. مانیتورون قیراغینداکی ساعاتا باخدیم. گئجه ساعات بیر ایدی. کؤچورمه هله یاری اولمامیشدی. “دیل بلاسی*” منه، ” گؤز بلاسی” اولموشدو.
بیری یوخدو دئسین، گئجه‌نین بو واختیندا سن فیلان سایت‌دان بو حیکایه‌نی گؤرمه‌سیدن نه اولاردی؟، _ اؤز- اؤزمله دئدیم.
آنجاق حیکایه دونیامیزا یئنی بیر حیکایه آرتیریم دئیه دایانمادان آنتون چئخوون اون ایللرجه بوندان اؤنجه یازدیغی حیکایه‌سینی حاضیرلاییب قورتارماغا ماراقلی ایدیم.


آردینی اوخو

یازی تورو :  

خیال پرده‌سی Xəyal pərdəsi

یازار yazar :حسین واحدى
تاریخ:جمعه 4 دی 1394-07:42

خیال پرده‌سی

یازار: محمدعلی ضیایی*

چئویرن: حسین واحدی

... قادین قیشیردی (بلکه ده من بئله گومان ائتمیشدیم) :

-‌ دئدیم دا! سنه احتیاجیم یوخدو. مه‌یه من ائلییه‌ بیلمه‌رم بو ایشی تک‌باشیما گؤره‌م؟

تله‌سیردیم، آما ماراقدان، آددیملاریم سارسیلدی. قادین، اوتوز قارلی فصیلی گؤرندن داها چوخ گنج ایدی. بوندان داها تئز یئنی چادیرا ایله ده‌ییشه بیله‌جه‌یی کؤهنه چادیراسینی، فرنگی قونداغین اوستونه چکمیشدی. سورتولموش پالچیقلی و دابانلی باشماقلارینی، جَمده‌ک کیمی یئرده سوروتله‌ییردی. کیشی اونا ساری آتیلیب، اوز-اوزه‌سینده دایاندی. ألینی قالدیردی و سانکی یئنی‌جه بیر مؤوضوعنو آنلاییبدیر‌ دئیه یان‌ یؤوره‌سینه باخدی. مندن سونرا بیر-ایکی نفر یولدان کئچن ده وار ایدی. یقین بیزیم اولماغیمیزین قرارینی ده‌ییشمه‌یه یئترلی اولدوغو اوچون، ألینی یاواشجا قادینین چییین‌لرینه کیمی آشاغی ائندیریب، علاجسیزلیق‌لا دئدی:


آردینی اوخو

یازی تورو :  

یاغیش آلتیندا پیشیک Yağış altında pişik

یازار yazar :حسین واحدى
تاریخ:جمعه 4 دی 1394-07:42

یاغیش آلتیندا پیشیک

یازار: ائرنئست هئمینگوئی

حاضیرلایان: حسین واحدی

مسافرخانادا ایکی آمئریکا‌لی قالیردی. اورا‌داکی‌لاردان هئچ کیمی تانیمیردی‌لار. قالدیقلاری دنیز منظره‌لی نؤمره ایکینجی مرتبه‌ده ایدی. پنجره‌دن پارک و ساواش قوربان‌لاری اوچون قویولموش آبیده گؤرونوردو. گؤز اوخشایان پارکا ایری[iri] خورما آغاجلاری، یاشیل اوتوراجاقلار بیر باشقا گؤزللیک وئریردی. یاخشی هاوا اولان کیمی هانسی‌سا رسام قولتوغوندا رساملیق تاختاسی ایله پارکا گلر، اوجا خورما آغاجلارا، مسافر‌خانایا، دنیزه تاماشا ائدر، اونلاری فیرچاسی ایله عکس ائتدیرمه‌یی سئوردی. ایتالیالی‌لار آبیده‌نی گؤرمک اوچون اوزون یول گلیردیلر. بورونجدن دوزلدیلن هئیکل یاغیش آلتیندا پاریلداییردی. یاغیش یاغیر، داملا‌لار پالما یارپاقلاریندان‌ سوزولوردو. چینقیل یولدا سولار چوخورا آخیب گؤلمه‌چه‌لر دوزه‌لیردی. یاغیش آبیده‌نین قارشی‌سین‌داکی بوش مئیدانچانی دؤیَج‌له‌ییردی. مئیدانین اوبیری طرفینده کافه‌نین قاپی‌سی آغزیندا قارسون دایانیب اطرافا تاماشا ائدیردی.


آردینی اوخو

یازی تورو :  



  • یارپاق‌لارین ساییسی :
  • 1  
  • 2  
  • 3  
  • 4  
  • 5  
  • 6  
  • ..  
  • 21  
Related Posts Plugin for WordPress, Blogger...